-- Advertisements --
SPORTS NEWS– Ha kaluyo nga dire makakagmulay ha Gilas Pilipinas hi Kai Sotto ha 2nd window han 2027 FIBA World Cup Asian Qualifiers in suportado la gihapon niya ine.
Kinahanglan mangud han Pinoy 7 foot 3 hin pira kasemana nga pahuway ugsa nga magmulay.
Matungod dinhe, mabalik na ine ha pagmumulay ha Japan Basketball League ha masunod nga bulan.
Ginhuhulat niya an iya koponan ha Japan nga Koshigaya Alphas ha sulod hiton usa katuig tikang han makag-angkon ine hin ACL injury.
Kumo suporta in ginsigurado naman ni Sotto nga magkikita ine ha mulay hiton Gilas.
Mababaruan nga syahan makakatumparak hiton Gilas an New Zealand ha Pebrero 26 samtang an Australia naman ha Marso 1 ngan ine in pagdudumaraon ha Pilipinas.
