TACLOBAN CITY – Aminado an Muslim Community nga nakabase ha Tacloban nga apektado an ira pag-obserba hin Ramadan kasumpay han natabo nga kasamok ha Marawi City.
Subay ha ekslusibo nga pakipaghimangraw han Bombo Radyo Tacloban kan Ustadz labeeb Abdulrashid, Taga Lanao Del Sur ngan miyembro han Islamic Knowledge of Humanity and Livelihood Association nga nakabase ha Tacloban, nga diri hini mapugngan nga masubo mahitungod nga usa an Marawi City ha lugar nga pinakamarisyo ha kada Ramadan mahitungod nga 90% han mao nga populasyon in mga Muslim.
Man ngani alagid agid nga pasko ha kada Ramadan ha Marawi hilabi pa nga naghahatag ini hin mga regalo ha mga Kablasanon.
Pamatian ta an pahayag ni Ustadz labeeb Abdulrashid, miyembro han Islamic Knowledge of Humanity and Livelihood Association ( IKHLAS- Tacloban) subay ha pakipaghimangraw han Bombo Radyo Tacloban ha taramdan nga Good morning Philippines:
Sumentro naman ha pag-ampo hin paghatag hin Kahimyangan an pag-aayuno han mga Muslim ha Tacloban.
Samtang, mahitungod han Kasamok ha Marawi City, mahugot nga ginkondina han mga ini an ginbubuhat han mga Maute Group.
Sumala kan Ameer Empas, usa pa nga miyembro han IKHLAS- Tacloban nga gingagamit la han mao nga mga rebelde nga grupo an ngaran han Muslim para makakuha hin Simpatiya.
Dugang pa hini nga harayo han gintututdo han mga Muslim an ginbubuhat han Maute Group.
Pamatian ta liwat an pamahayag ni Ameer Empas
Samtang dugang liwat ni Ustadz labeeb Abdulrashid, diri hira maaram kun ano an ginsusunod nga Relihiyon han mga Rebelde nga Maute o diman ngani mga ISIS.
Ustadz labeeb Abdulrashid, miyembro han Islamic Knowledge of Humanity and Livelihood Association ( IKHLAS- Tacloban)
