TACLOBAN CITY– Samaran iton usa nga Barangay Kagawad, mahuman nga mabuno ha Sitio Mahayahay Brgy. Canipaan Palompon, Leyte.
Ginkilala iton biktima kan Renelito Evangelista Ruizo, 56- anyos, usa nga Brgy. Kagawad ngan residente han Brgy. Mat-e, Brgy. Canipaan, Palompon, Leyte, samtang ginkilala naman an suspek kan Ranicano Evangelista Ruizo Sr. alyas Gali, 58 anyos, usa nga Brgy. Tanod, ngan residente han Mount Eagle Ville Sitio Bilwang, Brgy. Magsaysay Palompon, Leyte.
Sumala kan PCAPT. Realthur Tabernero, Acting Chief of Police han Palompon Municipal Police Station,nahitabo ine nga insidente ha kadalanan han Sitio Mahayahay, kun diin ine nga biktima in sakay hin motor ngan gin parahan han suspek ngan nagistorya ine nga duha.
Tungod han mapaso diskusyon kaparte hiton tuna in didto na nahitabo iton panmuno han suspek.
Nag-angkon naman iton biktima hin samad ha parte hiton likod, kamot, ngan ha prente han iya lawas.
Hapagkayana ine nakatalwas iton biktima ngan padayun iton pagpapaupay.
Samtang waray naman ma recover an gingamit panbuno han suspek tungod nga nangalimot hiya kun diin nga dapit han lugar niya ine ginlabog.
Papasakahan naman iton suspek ha kaso nga attempted homiscide.
