Nanawagan hin pag aandam hin mga supplemental budget hi Senator Sherwin Gatchalian ha gobyerno agud maprotektaran an mga Pilipino ha epekto han nagpapadayon nga tensyon ha Middle East.
Sumala kan Gatchalian, puydi manginahanglan hin kadugangan nga P60 bilyon kutob P400 bilyon agud maipadayon an social amelioration programs kun mag iiha pa an krisis.
Igin suhestyon gihapon hini an posibilidad han Bayanihan 3, kaupod na an loan reprieve ug temporaryo nga pagtanggal han interest ha mga credit cards.
Ha usa nga pamahayag han Senate PROTECT nga igin sumiter ha Malacañang Palace, igin rekomenda an targeted aid sugad han P1,500 nga binulan na bulig para ha 5 milyon minimum wage earners ug MSME workers, sugad man dugang nga ayuda para ha 3.5 milyon nga benepisyaryo han Pantawid Pamilyang Pilipino Program (4P’s).
Kaupod na dinhi an P3,000 nga binulan nga ayuda para ha 1.4 milyon nga waray kapas nga mga pamilya ug an pagpapahiluag han Walang Gutom Program agud mas mapakusog an seguridad ha pagkaon.
