Gin aadman han Philippine National Police (PNP) an pagpapatuman han kadugangan nga safety requirements para ha panag-iya han pusil.
Sumala kan PNP Chief General Jose Melencio Nartatez Jr., an mga gun-related incidents ha mga iskuylahan ngan komunidad partikular na ha mga insidenmte nga ginkakadabihan han mga menor de edad in nahuhulog ha isyu han accessibility ha mga armas.
Mahitungod hini in ginkikita nira an posibilidad nga himuon nga rekisitos an usa nga komprehensibo nga semina ha gun safety, dire la pagkuha han License to Own and Possess Firearms (LTOPF) ngan pagpaparehistro han pusil, kundi magin ha proseso han renewal.
Sumala pa kan Nartatez, ginmanduhan na niya an Civil Security Group (CSG) nga mabug-os hin pinal ngan updated nga mga aludayday para ha regular nga pagdudumara hin mga gun safety seminar para ha ngatanan han rehistrado nga tag-iya han pusil ha bug-os nga nasud.
Kaparte gihapon ha panginano ha mga kadugangan nga safety measures an pakikigsumpayan ha mga tag-iya han tindahan han mga pusil nga mayda panuyo kuhaon an ira mga suhestyon kasumpay hini.
Gin sigurado naman ni Nartatez nga dudunganan hin nasabi nga kadugangan nga gun safety measures an padayon ngan mas mahugot nga kampanya kntra ha mga loose firearms.
