TACLOBAN CITY – Umulpot na ha Sinirangan Bisayas an kadugangan nga mga sundalo nga igdedeploy ha Samar Island para para bumulig ha kampanya han gobyerno ala kontra ha mga rebelde nga New People’s Army.
Sumala kan Major General Edgardo De Leon, commander han 8th Infantry Division hiton Philippine Army, ini nga mga sundalo in tikang ha 3rd Infantry Battalion nga aada ha ilarom han liderato ni Col. Juvenal Mark Tayamen.
Han nakalabay nga unom katuig hira in naka-assign ha tay-aw nga parte ha Davao City.
Ini nga kadugangan nga pwersa han 8th Infantry Divsion in ginlalauman gihapon nga makakabulig ha pagmintinar ha mahimyang nga eleksyon ha maabot nga Mayo 9.
Mababaruan nga pira nga parte han Samar Island in ginkonsidera han Comelec nga “areas of concern” han nakalabay nga eleksyon.
