TACLOBAN CITY – Pormal na nga nagpirmahay han Memorandum of Understanding (MOU) an Philippine National Police – Police Regional Office 8 (PNP-PRO8) ngan Department of Agriculture – Regional Field Office 8 para han kolaborasyon han paglunsar han Kadiwa Program Store para ha mga PNP personnel.
Panuyuan han nasabi nga pitad nga magkamay-ada hin accessible, abot-kaya, ngan government-subsidized nga mga produkto pan-agrikultura an mga otoridad sugadman hin mga presko nga utanon, bunay, prutas, isda, ngan iba pa nga produkto.
Sumala kan Department of Agriculture – Regional Field Office 8 Executive Director, Andrew Rodolfo Orais, ine in magseserbi kumo importante nga inter-agency collaboration nga maghahatag hin seguridad ha food security ha rehiyon.
Ine in magigin baton daw gihapon ha duha nga dako nga problema ha rehiyon, amu an madagmit nga access ha pamaligya han mga parag-uma ha merkado ngan paghatag hin abot-kaya nga mga papliton ha mga mamaralit.
Gin aghat naman hine an kadam-an nga magpadayon ha pakig-kooperar ngan makiusa ha mga sugad nga pitad agud makabulig ha mga parag-uma, paru-pangisda, ngan iba pa. (Bombo Niña Magpili)
