TACLOBAN CITY – May pag-umento han presyo han kinada sako han lugas nga bugas ha syudad han yana nga pagsulod han bag-o nga tuig.
Sumala kan Frederick Dy, Presidente han Grains Retailers Confideration Eastern Visayas, nagkamay-ada hin pagkiwa ha presyo ha mga local harvest nga bugas, ine in mahitungod daw nga padayun na an pan giling han mga humay kun diin naghihitaas daw an presyo han bugas na.
Nag-ubos naman daw an presyo han imported nga bugas dida han nakalabay nga bulan han Disyembre kun diin haros P10 an gin iban hine ha kada sako.
Ada naman na ha P1,850 ngada ha P1,880 an kada sako han lokal nga bugas, kun diin dida han nakalabay nga bulan in nakada pala ine nga P1,820 ngada ha P1,830 an kada sako.
Ginklaro gihapon hine nga ha kada sako la han bugas an pag-umento, pag-abot han retail in nagpapabilin la gihapon ine ha daan nga pamresyuhan.
