TACLOBAN CITY – Nagpalusad hin advisory an buhatan han Bureau of Fisheries and Aquatic Resouces (BFAR-8) may paghisumpay ha mga nagpopositibo nga kabaybayunan ha rehiyon.
Sumala kan Christine Gresola, tagapagyakan hitun BFAR Regional Office-8, nagpapabilin la gihapon nga positibo ha Paralytic Shellfish Poison (PSP) o RED TIDE toxins, an MATARINAO BAY (General MacArthur, Hernani, Quinapondan, and Salcedo, Eastern Samar).
Gindidire naman iton pagkuha, pagkonsumo, pagpalit ngan pagkaon an tanan nga klase hitun pangtion o kun shellfish nga magtitikang ha mga positibo nga mga kabaybayunan.
Nagpahimatngun naman an mao nga buhatan ha mga magbaraligya nga likayan la anay na maguha hin mga lamang dagat ngan pananglitan nga mahibaruan hira nga nagbabaligya in dayun naman ine kukumpiskaron han BFAR-8.
