TACLOBAN CITY — Patay an usa nga lalaki mahuman nga pagbun-on ha Barangay Zone 3 han Sta Fe, Leyte.
Ginkilala an biktima nga hi Jimuel Tado, 28 anyos, Job Order employee han munisipyo han Sta Fe, ngan residente han mao nga lugar.
Samtang an suspek naman in nakilala kan Donaldo Quero, residente gihapon han barangay zone 3.
Sumala kan PCapt Sheina Layog, hepe han Sta Fe Police Station, subay ha ira inisyal nga imbestigasyon nga napalit hin medisina ha tindahan an biktima han tigda nala nga dumaop an suspek ngan ginbuno ini gamit an flat screw.
Ginhihingita naman nga an maiha na nga personal nga delito an naging hinungdan han pagbun-a han suspek ha biktima.
Ha pagkayana in adto na ha kustodiya han Sta Fe Police Station an mao nga suspek ngan naatubang na ha kaso nga murder.
