TACLOBAN CITY: Maabot ha 1, 549 nga mga Job seekers an nagpartisipar ha gindumara nga Job Fair ha usa nga mall nga nahihimutang ha Abucay New Bus Terminal.
Sumala kan Department Of Labor and Employment Vlll, Information Officer, Norma Rae Costimiano, maabot ha 41 an na hired on the spot ha mao nga Job Fair, kun diin ginkakalipay naman ine han ira buhatan, matungod nga ine an tumong kun kay-anu hira nagdudumara hin Job Fair para mabuligan adton mga job seekers nga makabeling hin trabaho.
Ha mao nga Job Fair, ada naman ha 35 nga lokal employers an naki-usa, samtang maabot naman ha 986 an mga aplikante nga nag qualified, ngan 318 naman dinhi iton unqualified.
Ginmalatumat ni Costimiano, nga dire la ha may Abucay nga mall hira nagdumara hin Job Fair, matungod nga simultaneous ine nga ira ginbuhat ha iba iba nga lugar, kun diin maabot naman ha 230 an hired on the spot ha bug-os nga rehiyon.
