ENTERTAINMENT – Makikit-an na an “America’s Got Talent” (Season 20) Grand Champion nga hi Jessica Sanchez ha usa nga major concert ha Araneta Coliseum.
Mahuman an haros duha ka-dekada han pagpapabilib ha bug-os nga kalibutan ngan presko tikang ha iya pagkadaog ha “America’s Got Talent” ngan panganganak ha iya siyahan nga baby in gintikangan na niya an iya ginhuhulat nga concert ha Manila nga magaganap ha May 16.
Siyahan nga nakit-an han global viewers an 10-year-old nga hi Jessica ha siyahan nga season han “America’s Got Talent” kun diin umabot hiya ha semi-final round.
Nakilala naman hiya ha international scene kumo runner-up ha “American Idol” ha edad nga 16.
Madagmit nga nakilala hi Jessica ha iya pambihira nga boses nga akos makaghatag hin mga “jaw-dropping” nga performance.
Samtang bisan man ha May 16 pa an “Jessica Sanchez Live in Manila” in mapapalit na an mga ticket hini tinikangan ha Feb 15 ha TicketNet.com.ph ngan ha tanan nga TicketNet outlets ha bug-os nga nasud.
