Nagpatapod an gobyerno han Japan nga igpapadayon an suporta ha pagduso han circular economy ha Pilipinas kumo baton ha problema han plastic pollution ha nasud.
Subay ha Embassy of Japan in the Philippines, papahugton nira an partnership han Manila ngan Tokyo agud maiduso an modelo nga circular economy, kun diin an mga produkto in igre-recycle ngan utro gagamiton, ngan maiibanan an basura.
Sumala kan Japanese Ambassador Endo Kazuya, nakurian gihapon an Japan ha isyu han waste management ngan gintudlok ini kumo usa nga ”global challenge.”
Ginmalatumat han Envoy nga susuportahan han Japan an Pilipinas ha pagmamangulo han marine plastic pollution kumo kaparte han mas haluag nga international cooperation.
Ginbubuligan han Japan an mga syudad sugad han Pasig, pinaagi han programa nga “Accelerating Nationally Determined Contributions through Circular Economy in Cities” nga iginpapatuman han United Nations Development Programme (UNDP).
Kaupod ha mga pitad nga iginduduso han Department of Environment and Natural Resources (DENR) ngan environmental groups in an Extended Producer Responsibility Act, nga nagpapabaton ha mga kumpanya ha paggamit han plastic packaging.
