Tumalikod na ha kadayonan an Italian auto-racing champion nga hi Alex Zanardi ha edad nga 59.
Gin kumpirma ini han iya pamilya pero waray na mag hatag pa hin iba nga detalye ha kamatayon han racer.
Dida han Hunyo tuig 2020, naaksidente hi Zanardi ha handbike han mabangga ini ha igin katapo nga truck ha usa nga relay event ha Tuscany.
Kundiin, haros 20 katuig na gihapon an nakalalabay han mautdan ini han iya duha nga hita mahitungod han aksidente ha auto-racing dida han Setyembre 15, 2001.
Nag daog ini hin duha nga kampeonato ha CART dida han 1997 ngan 1998 ha US ugsa bumalik ha Formula One.
Samtang, bumalik hi Zanardi ha America ngan kumarera ha Germany ha CART event dida han 2001 kundiin, na aksidente ini usa ka semana mahuman an September 11 terror attacks.
Kahuman han aksidente in natagan ini hin prosthetics ngan nahibaro utro nga lumakat.
Gin estudyohan hini an hand cycling kun diin, nagdaog ini hin upat nga gold medals ngan duha nga silver ha 2012 ngan 2016 Paralympics.
Bumulig gihapon hi Zanardi ha New York City Marathon ngan nagtala hin rekord ha Ironman
