TACLOBAN CITY – Nagdumara hin paisan-isan an Istilo poetry organization ha usa nga dako nga mall ha syudad.
An nasabi nga aktibidad in mayda tema nga Tell Me A Better Love Story: A New Chapter Unfolds, A Spoken Word Poetry Competition and Acoustic Solo/Band Competition.
Sumala kan Istilo Poetry President, Royce Geamala, an nasabi nga aktibidad in pag-suporta ha mga lokal nga talento ngan sugadman pagpa-uswag han sining ha musika ngan literatura ha rehiyon.
Samtang, ginkilala naman kumo kampeon han Spoken Word Poetry hi Jastony Gabejan Tapocio, ikaduha nga pwesto hi John Kelvin Vallejos, ngan ika-tulo nga pwesto naman hi Mark Lloyd Malate.
Kumarawat an kampeon in P3,000 plus trophy; an 2nd place hin P2,000 plus trophy; ngan P1,000 naman plus trophy an 3rd place.
Ha acoustic solo band, nakuha ni Pizza Pornias an 1st place, kun diin kumarawat ine hin P5,000 ngan trophy; 2nd place an Nomy nga kumarawat naman hin P3,000 ngan trophy; ngan P2,000 plus trophy naman an nakuha han 3rd place nga Concord Act.
