TACLOBAN CITY – Nagdumara hin paghihimangraw an Irrigation Assosiation ha Sinirangan Bisayas, agud nga paghimangrawan an pira nga mga pamaagi kasumpay han na-aabat nga kapaso hiton pananom nga kun diin an grupo hiton parag-uma an numero uno nga na-aapektaran.
Sumala kan Ret. PCOL. Adolfo Olaya, President Irrigators Assosation Eastern Visayas, nga an panuyo han ira ginmugna nga meeting in agud nga makagbug-os hira hin iskema, nga makakabulig ha mga parag-uma ngan sandag nga maka-agum hin patubig.
Ginmalatumat hine, nga subay ha ira nabug-os nga desisyon in magkakamayda an mga ine hin schedule, ha pandistribwer hiton patubig ha mga umhanan.
Naghatag naman ine hin abiso ha mga parag-uma hiton Sta. Fe Leyte, tabok han National Highway nga dire la anay magpreparar hiton tatanuman han humay matungod nga mayda naka-schedule han pandistrebwer han mao nga patubig.
Naghangyo naman ine particular na ha management han Tibak Irrigation System, nga dire kawangon an tubig, matungod nga duro ka-importante an tubig hapagkayana ilabi na nga duro an kamapaso han panahon.
