NATIONAL NEWS– Nakatalaan nga imbestigaran han House of Representatives an gin-aaligar nga iregularidad han Prime Water.
Ine in mahuman nga magsalawad yana nga adlaw hi Zambales Rep. Jay Khonghun hin House Resolution 22 nga nag-aaghat nga imbestigaran an mga reklamo kasumpay ha mga iregularidad ha Joint Venture Agreements (JVAs) nga ginsulod han local water districts ngan PrimeWater Infrastructure Corporation.
Sumala kan Khonghun an tubig in kinabuhi, ngan dire la ine negosyo, sanglit nga angay la nga maiduso an mahugot nga regulasyon ha mga ginsusulod nga joint venture han mga local water districts para maprotektahan an publiko tikang ha dire maupay nga serbisyo.
Ginklaro naman ni Khonghun nga an pag-imbestiga ha Prime Water in waray kanit ha politika matungod nga ine in local issue nga madugay na nga araba han publiko.
