INTERNATIONAL – Ha pagsulod han ika-unom nga adlaw han pag-balyuay han pag-atake han Israel ngan Iran, nagpahimatngun an supreme leader han Iran nga hi Ayatollah Ali Khamenei an pagtitikang han gyera nira kontra Israel.
Ha usa nga post ha X, ginmalatumat han Iran leader nga hi Haidar.
An Haidar in an ngaran nga gingagamit para kan Ali, nga ginkokonsidera han mga Muslim nga siyahan nga Imam ngan successor ni propeta Mohammed.
Ginsigurado gihapon han Iran supreme leader an grabe nga pagbulos ha daw terorista nga Zionist regime ngan dire hira magpapakita hin kaluoy han mga Zionists.
Ugsa ini, in nauna na nga gin-demand ni US Pres. Donald Trump ha Iran an pagsurender han waray kondisyon ngan ginmalatumat nga dire pa nira papatayon an Iran Supreme leader ha pagkayana. Sugad man, an Grou of 7 kun diin, api gihapon an Amerika in nanawagan ha Ira para ha de-escalation.
