TEHRAN, IRAN – Gin-abrihan han Iran an posibilidad nga tugutan an mga barko nga may koneksyon ha Japan nga umagi ha Strait of Hormuz.
An desisyon in ginkikita nga importante nga pitad para han Japan tungod nga masobra 90% han ira mga suplay hin lana in naagi ha nasabi nga ruta.
Ha butnga han nagtitika-grabi nga tensyon ha Middle East, upod na an away han Iran ha Estados Unidos ngan Israel, nagpapabilin nga sensitibo an sitwasyon para ha mga naagi ha ruta.
Sugadman, an Tokyo in nakikipagsumpayan ha Tehran agud masiguro an katalwasan han ira mga barko ngan mamentinar an waray pag-utod han suplay han enerhiya.
Sumala han mga opisyal, nag-hihirot an Japan ha ira diplomasiya agud diri maprobokar an iba nga mga nasud nga may interes ha seguridad han Strait.
Ha kabug-usan, an pitad han Iran in naghahatag hin paglaum ha Japan nga mamentinar an ira seguridad ha enerhiya ha kaluyo han nagpapadayon nga krisis ha rehiyon.
