Nahipatik han US Central Command ha Estados Unidos, nga nagpalaprak hin damo nga ballistic missiles an Islamic Revolutionary Guard Corps tikang ha Iran kumo pagprubar han sorpresa nga pag-atake ha mga pwersa han Amerika ha Middle East.
Tanan nga missles in malinangpuson nga na-intercept han US forces nga nagpapabilin nga alerto ngan aada ha hataas nga lebel han kaandaman.
An nasabi nga insidente in kaparte han nagtitikagrabi nga tensyon ha rehiyon, kun diin maiha na nga mayda dire pagkakaintindihay an Iran ngan Estados Unidos kasumpay han presensya han mga tropa han Amerikano ha Middle East.
Dida han mga nakalabay nga tuig, ka-pira na nga nagbalyuay hin pag-atake, kaupod an drone strikes ngan mga operasyon an US kontra ha mga grupo nga gintutudlok nga kaalyado han Iran.
An Islamic Revolutionary Guard Corps in kilala kumo pangunahon nga pwersa militar han Iran nga kadaras-an dabi ha mga operasyon kontra ha mga interes han US ngan mga kaalyado hini.
