INTERNATIONAL NEWS– Ginkokonsidera na yana han Iran kumo mga terorista nga grupo an mga nasud nga bulig han European Union (EU) ngan nakabutang ha Islamic Revolutionary Guard Corps (IRGC) ha listahan han mga terorista nga organisasyon, sumala kan Iranian Parliament Speaker Mohammad Baqer Qalibaf.
Nagmara an EU hin usa nga makasaysayan nga pagbabag-o ha polisiya kontra Iran mahuman nga igdeklara nga terorista nga organisasyon an IRGC, kasunod han pinakamadugo nga crackdown han Islamic Republic kontra ha mga protesta tikang han maitindog an nasud hadton 1979.
Dugang pa ni Qalibaf, alinsunod ha Article 7 han balaod han Iran, kontra ha pagdedeklara ha Revolutionary Guards kumo terorista nga grupo, iginkokonsidera na gihapon han organisasyon an mga grupo han nasud Europa.
Pagihimangrawan gihapon han parliamentary commission on national security an posible nga pagpapalakat han mga military attaché han EU ha Iran ngan makikigsumpayan ine ha Ministry of Foreign Affairs.
Nabaruan nga an Islamic Revolutionary Guard Corps in igintindog han 1979 Islamic Revolution agud nga depensaran an sisteme nga ginpapangunahan han mga Shi’ite clerics.
Ha pagkayana, dako an impluwensya han IRGC ha Iran matungod nga kontrolado hine an dako nga parte han ekonomiya ngan kasundaluhan han nasud.
