WASHINGTON D.C., USA – Ginakusaran ni US President Donald Trump an Iran nga nagamit hin artificial intelligence kumo “disinformation weapon” para ipakita an mga sayop nga impormasyon hini kasumpay ha giyera.
Sumala kan Trump nga delekado an AI labi na ha sugad nga panahon kun diin dire dayon nasasabtan an kamatuoran sanglit kinahanglan magin responsable an mga nagamit hini.
Kaupod hii ginakusaran gihapon ni Trump an Western media outlets hin “close coordination” ha Iran para magpasarang hin AI-generated “fake news.”
Ginmalatumat gihapon ni Trump nga an mga imahe nga nagpapakita hin 250,000 Iranians nga nag-rally kumo suporta ha bag-o nga Supreme Leader han Iran nga hi Mojtaba Khamenei in “totally AI generated” ngan an event waray matabo ha kamatuoran.
