Nalahusan han Bureau of Internal Revenue (BIR) an target tax collection hini ha syahan nga upat kabulan han presente nga tuig.
Basar ha opisyal nga report han ahensya, umabot ha sobra P1.155 trillion an nakolekta hini nga buwis tikang Enero kutob Abril han presente nga tuig.
Ini in mas hitaas hin P9.6 billion kumpara ha target collection han ahensya para ha nasabi nga period.
Sumala kan BIR Chief Charlito Martin Mendoza, resulta ini han mas ginpahaluag ngan ginpaupay nga mga reporma ha digitalization, auidt system, ngan taxpayer services, sugad han ginlunsar han BIR nga digital tax calendar, online taxpayer portal, ngan ginpasimple nga proseso han business registration.
Kaparte ini han modernization effort han gobyerno ngan han abri nga pangongolekta hin buwis ha bug-os nga nasud.
Naglalauam an ahensya nga padayon an paghitaas han tax collection ha kabug-usan han tuig, kaupod an kooperasyon han mga Pilipinas para ha sakto ngan tama nga pagbabayad hin buwis.
