TACLOBAN CITY– Ginpaangbit hiton Municipal Mayor han Matuguinao Samar, nga hinay-hinay na nga namingaw an ira lugar kasumpay ha insurhensiya.
Ginpaangbit ni Matuguinao Samar, Municipal Mayor , Aran Boller, nga tikang han iya paglingkod kumo Mayor han nasabi nga lugar, nag mingaw na an insurhensiya ngan presensya hiton mga walhon nga grupo.
Dugang pa han nasabi nga alkalde nga ha pakikipag binuligay gihapon han komunidad nagkamayda hira yana hin kamurayawan.
Gin-aghat naman hine adton mga karuyag mamuhunan ha Matuginao Samar, nga abre an ira bungto para kumarawat ha mga may plano nga mag-negosyo ha ira lugar.
Nanawagan naman ine para ha mga walhon nga grupo nga magkalusad na ine, ngan mag surender na ha gobyerno, agud nga magkamayda an mga ine hin hapsay ngan mahimyang nga pagkinabuhi.
