TACLOBAN CITY – Ginpahimatngon han Philippine Statistics Authority (PSA) nga diri angay kababarak-an an ginreport nga paghitaas han inflation rate ha Eastern Visayas yana nga Hunyo ha presente nga tuig.
Sumala kan Philippine Statistics Authority Eastern Visayas Director Wilma Perante, tikang ha 0.4 porsyento han Mayo, in humitaas ini hin 0.7 porsyento han Hunyo 2025, pero ginkokonsiderar pa ini nga hamubo nga inflation rate.
Ikapito an Eastern Visayas ha bug-os nga nasud ha may pinakahamubo nga inflation rate para yana nga bulan.
An pag-hitaas han inflation rate ha tulo nga probinsya ha isla han Samar in mahitungod han paghitaas han presyo han pipira nga produkto mahitungod han ginpatuman nga limitasyon han mga transportasyon nga naagi ha San Juanico Bridge tikang pa han Mayo.
Ha June 2025 Inflation Report, an tulo nga probinsya ha Samar an may pinakahitaas nga inflation rate ha Eastern Visayas—amu an Northern Samar nga mayda 2.8 porsyento, Eastern Samar nga 1.9 porsyento, ngan an an probinsya han Samar in 0.1 percent.
Dugang pa ni Perante nga an epekto han inflation in amo an paghitaas han presyo han basic necessities tikang ha grocery store kutob ha mga gasolinahan.
(via Bombo Shiela Encio)
