BORONGAN CITY – Humitaas ha 3.3% an inflation rate ha Eastern Samar dida han Pebrero 2026 tikang ha 1.4% dida han Enero, sumala ha Philippine Statistics Authority.
Ginmalatumat ni PSA Eastern Samar Supervising Statistical Specialist, Suzanne Amosco, nga pangunahon nga rason han paghitaas an pagmahal han pagkaon, kuryente, tubig, ngan serbisyo ha restaurant ngan accomodation.
Nanguna ha kontribusyon ha inflation an:
- Housing ngan utilities – 42.5%
- Pagkaon ngan irmnon – 27.9%
- Restaurant ngan accommodation – 17.4%
Humamubo gihapon an purchasing power han piso, kun diin an P1 dida han 2018 in kaparehas na la han P0.75 dida han Pebrero 2026.
Dugang pa, nakaapekto an off-season ngan kakulangan han suplay han baboy mahitungod ha African Swine Fever ha paghitaas han presyo han mga papliton.
Ha rehiyon han Eastern Visayas, an Samar an may pinakahitaas nga inflation rate nga 6.6%, samtang an Southern Leyte naman an may pinakahamuboha 1.5%. Samtang an Eastern Samar in nakaghipatik hin 3.3%
