-- Advertisements --
Patay an usa nga Indian tourist samtang tulo an samaran mahuman nga magbunggoay an duha nga helicopter ha Pheriche, Solukhumbu district, Nepal.
Ginkilala an namatay kan Vasanth Kumar Balaramudu, nga sakay han helicopter han Fishtail Air. Natabo an aksidente han magprubar nga maglanding an duha nga behikulo ngan nagbunggoay an ira mga rotor blade.
Kaupod ha mga nasamaran an usa nga turista nga tikang ha New Zealand ngan an duha nga piloto han mga helicopter nga kun diin, dayon hira nga gindara ha Kathmandu para ha kaangayan nga medical treatment.
Samtang, padayon naman an giniimbestigaran han mga otoridad an insidente agud matudlok an rason han aksidente.
