Igin duon ni Iloilo 3rd District Representative Lorenz Defensor nga an nagtitikahirani nga impeachment trial kontra kan Vice President Sara Duterte in duri la nakasalalay ha Kongreso han Pilipinas, kundi may-ada gihapon hin impirtante nga papel an mga ordinaryo nga Pilipino ha pagbabantay ha kamatuoran ngan katadungan.
Sumala hini, angay la nga magin masinabuton ngan aktibo nga manginlabot an publiko ha mga iristuryahon may paghisumpay ha responsibilidad han mga opisyal, mahitungod nga an impeachment in kaparte han pagpaparig-on han demokrasya han nasud.
Dugang pa ni Defensor, an proseso in nagsisirbi pahinumdom ha mga lider han gobyerno nga sundon an integridad, responsibilidad, ngan tangkod nga mag serbisyo ha nasud.
Gin aaghat pa hini an publiko nga tutukan an magigin dalagan han impeachment trial ha mga masunod nga adlaw gan igin pa hinumdom na an kasaysayan an maghuhukom ha mga nabuhat han kada opisyal.
Hi Defensor in kaupod ha walo nga mambaralaod nga gin papapagpilian agud mahimo nga lawmaker-prosecutors para ha impeachment case kontra kan Vice President Duterte.
Nagin kaparte gihapon ini han House of Representatives’ Prosecution Panel ha waray kahinayon nga impeachment trial kontra kan Duterte dida han 2025.
