Kanselado yana nga adlaw an impeachment trial ni VP Sara Duterte.
Ha notice nga ginpagawas han Senate Impeachment Court nga pirmado ni Clerk of Court Atty. Renato Bantug Jr., ginkansela an trial yana nga adlaw ngan igpapadayon ha Huybes, Oktubre 1.
Eksplikar ni Senate Impeachment Court Spokesperson Atty. Reginald Tongol, an temporaryo nga pag-ugsod han trial in kaparte han Strategic Procedural Pause kumo pangandaman ha bug-os nga adlaw nga marathon trial sessions nga magtitikang ha Oktubre 1 kutob 15, 2026 kun diin, bug-os nga adlaw na an trial nga magtitikang hin alas 10 han aga kutob alas 6:30 han gab-i.
Dugang pa ni Tongol nga matatagan gihapon hin panahon an prosecution ngan defense nga makita an madakmol nga financial records tikang ha Anti-Money Laundering Council ngan ha Registers of Deeds.
