NATIONAL– Sobra 50% na han mga ebidensya ha impeachment case laban kontra kan Vice President Sara Duterte an na-markahan na ha pre-trial proceedings ha Senado.
Ine an ginpahayag ni Mamamayang Liberal Partylist Rep. Leila De Lima.
Sumala kan De Lima, padayon an proseso ngan dire ginlalauman madedelatar an nakatalaan nga pagtitikang han impeachment trial ha July 6.
Para mapadagmit an trabaho, gindugangan han Senado an marking teams tikang ha 4 ngadto ha 6 ngan pagpapahalawig han oras hiton trabaho tikang 9 a.m. -7 p.m., na nagresulta hin mas madagmit nga pag-abante han proseso.
Dugang pa ni De Lima posible nga mahuman na ha masunod nga adlaw an pagmamarka ha Article 2 han reklamo nga nagtutudlok ha unexplained wealth, tungod nga mas gutiay an dokumento hine kumpara ha Article 1 nga may kasumpay ha confidential funds.
Sugadman, nagpapabilin nga mas mabug-at an trabaho ha mga dokumento kasumpay ha confidential funds, kalakip na an mga acknowledgment receipts nga usa ha mga pangubnahon nga ebidensya ha kaso.
