NATIONAL–Nagpagwas hin pagbatikos hi Davao City Rep. Paolo “Pulong” Duterte nga mahugot nga nagkwekwestyon ha motibo ha mga ada ha likod hiton proseso han impeachment case kontra ha iya bugto nga hi Vice President Sara Duterte.
Ine in mahuman nga gindeklara nga sufficient in form and substance han House Committee on Justice an ikatulo ngan ikaupat nga impeachment complaints kakulop.
Sumala kan Rep. Duterte, waray na hiya napausa ha desisyon han korte, pero klaro daw nga mayada pwersa nga gingagamit an impeachment kumo sandata ha pulitka, imbes nga suportahan an hustisya ngan ensakto nga pagdungog.
Gindayaw gihapon niya hi Rep. Bong Suntay ha paninindigon hine nga kumontra ha pagpasa han mga reklamo, kaluyo ha presyur tikang ha kapwa magbabalaod.
Gintagan gihapon hin duon hine an pahimatngon ha 54 nga magbabalaod nga bumoto pabor ha impeachment nga an gahum ha pulitka in ginaalegar nga temporarya pero an pagbaton ha taumbayan in pan bug-os nga kinabuhi.
Labot la ha impeachment, ginmalatumat gihapon ni Rep. Duterte an iba pa nga isyu nga ginaalegar ga dapat gihapon tagan hin pansin han Kongreso ngan Administrasyon, sugad han imbestigasyon ha ginaalegar ga trillion-peso flood control corruption, mga alegasyon han pagpapaangbit hin pondo pinaagi han maleta, panawagan apara ha hair follicle drug tests ha ngatanan nga myembro han Kongreso ngan Senado, kalakip an “mastermind” han impeachment ngan han iya pamilya.
Ginpahayag gihapon hine nga tiarabot na an panahon nga an taumbayan an maghahatag hin hatol. Ngan ha adlaw nga ito, kinahanglan ga andam an kada usa nga manindogan ngan bumaton ha ira mga ginbuhat.
