Kinahanglan na magpadayon na an proseso han impeachment kontra kan Vice President Sara Duterte mahuman magin madig-on na an liderato han Senado.
Ini an ginpahayag ni House Committee on Higher and Technical Education Chairperson ngan TINGOG Party-list Representative Jude Acidre.
Sumala kan Acidre, dire makakaupay ha publiko kun papaihaon pa an proseso mahitungod nga nakadepende dinhi an pagtapod han publiko ha gobyerno ngan ha mga demokratiko nga institusyon.
Duon ni Acidre, normal ha usa nga demokrasya an magkakaiba nga panlantaw han mga Pilipino, pero dire ini angay gamiton nga rason agud paihaon, samukon, o politikahon an pagdungog.
Gin malatumat han magbabalaod nga an importante in umabante an kaso ha usa nga patas, hapsay, ngan matuod-tuod nga paagi.
Pinaagi hini, matatagan an magkaluyo nga parte hin sakto nga higayon agud mailatag an ira mga argumento ngan ebidensya, ngan mabaton an mga pamakiana han publiko.
Ginpahinumduman naman ni Acidre an ngatanan, nga an impeachment in kinahanglan magin basar ha ebidensya ngan kamatuoran, imbes nga igpaagi ha aringasa, presyur, o pamumulitika.
Dugang pa, an nasabi nga istoryahon in dire la hiunong ha kapalaran han usa nga opisyal, kundi ha pagmamatuod ha publiko nga nagana an mga balaod ngan institusyon ha nasud ha mahimyang ngan makatarungan nga paagi.
