Nagpagawas an Senate impeachment court hin bag-o nga subpoena para ha duha nga anay branch manager han Land Bank of the Philippines nga maatubang kumo mga testigo ha nagpapadayon nga impeachment trial ni Vice President Sara Duterte ha Miyerkules, Hulyo 29.
Ini in may paghisumpay ha Article I han Articles of Impeachment, nga naghihisgot ha sayop nga paggamit ni Duterte hin kabug-usan P612.5 milion nga confidential funds, kaupod an P500 million tikang ha Office of the Vice President ngan P112.5 million tikang ha Department of Education.
Sumala kan House Lead Prosecutor Gerville Luistro, hi anay Landbank Shaw Boulevard branch manager Violeta Constantino an siyahan nga maatubang nga witness ngan susundan naman ni anay Landbank DepEd branch manager Nenita Camposano.
Samtang, igpapadayon naman an impeachment trial ha Hulyo 29, mahuman an ikalima nga State of the Nation Address ni Presidente Ferdinand Marcos Jr. ha Hulyo 27 ngan an nakatalaan nga “Kontra-SONA” han mga senador tikang ha minorya ha Hulyo 28.
