Iginduon ni Senator-Judge Panfilo Lacson nga diri puydi tumalapas an impeachment court ha na eksister nga balaod kanit ha paghihisgot nga maabrehan an mga tax record ni Vice President Sara Duterte.
Subay kan Lacson, angay la nga sundon han impeachment court an mga rekisito han National Internal Revenue Code, kaupod na an pagkuha han nakasurat nga awtorisasyon han Presidente ugsa abrehan an selyado nga “green box” han Bureau of Internal Revenue nga may sulod nga tax records han bise presidente.
Gin tagan duon pa hini an iya posisyon in basar ha Rule of Law ngan diri ha pagsuporta hin bisan ano nga grupo ha impeachment trial.
Dugang pa hini, diri niya magigin basaran an mga posible magin interpretasyon pulitikal ha magigin desisyon han Presidente kun maghahatag ini hin written authority, mahitubgid nga importante an pagsunod ha igin talaan han balaod.
Samtang, nakatalaan naman nga paghingadayan yana nga semana han impeachment court an oral arguments kasumpay ha mga subpoena para ha mga rekord han Bureau of Internal Revenue, Anti-Money Laundering Council, ngan mga bangko.
