NATIONAL NEWS- Ginkumpirma ni House Secretary General Atty. Cheloy E. Velicaria-Garafil nga naipasa na ha Office of the Speaker an impeachment complaint kontra kan Pangulong Ferdinand “Bongbong” R. Marcos Jr. senyales nga magtitikang na an proseso han Kamara alinsunod ha Konstitusyon.
Sumala kan Garafil, alinsunod ha gintudlok nga pamaagi an beripikado nga reklamo in igpapadara ha buhatan ni Speaker Faustino “Bojie” G. Dy III para ha kaangyan nga aksyon.
Gintagan gihapon hin duon an administratibo la an papel han Office of the Secretary General ngan mahugot nga gin-gigiyahan hiton Konstitusyon an mga patakaran han Kamara.
Gin-esplikar gihapon ni Garafil nga an pagkarawat, pag record, ngan pagpasa han reklamo in agud nga masigurado an due process.
Mababaruan nga ine an syahan nga impeachment complaint kontra kan Pangulong Marcos tikang han lumingkod ine ha pwesto.
