Gin iistoryahan han Estados Unidos ngan Iran an posible ikaduha nga round han peace talks ha Pakistan mahuman mapakyas an syahan nga negosasyon nga panuyo tapuson an kasamok ha Middle East, subay ha mga opisyal han US.
Ginmalatumat ni White House Press Secretary Karoline Leavitt nga “would very likely” ha Islamabad an masunod nga pag-iistorya ngan naglalauman an US nga magin malinampuson an kasabutan.
Subay ha notisya umabot ha Tehran an delegasyon han Pakistan dara an bag-o nga mensahe tikang ha Washington mahuman igpahayag ni US President Donald Trump nga posible igpadayon an negosasyon yana nga semana.
Ginpahayag ni US Vice President JD Vance nga gin hahatag ha Iran usa nga “grand bargain” agud tapuson an kasamok ngan resolbahon an isyu ha nuclear program han Tehran.
Igin punto gihapon han Israel nga parehas hira han US han panuyo nga tanggalon an enriches nuclear material han Iran ngan pugngan an enrichment capability hini.
Samtang, padayon an kasamok han Strait of Hormuz kun diin nahipatik han US an pagpapatuman han naval blockade nga nagpupugong ha trade han Iran, samtang may report gihapon nga padayon la gihapon an pira nga shipping activity.
Nagpahimatngon gihapon an IMF nga posible maatubang ha “tough times” an ekonomiya han kalibutan kun magpapadayon an hitaas nga presyo han lana mahitungod ha kasamok.
