-- Advertisements --
TACLOBAN CITY – Naging mahinungdanon an selebrasyon yana nga adlaw han ika-77 katuig nga pagdumdom han Leyte Gulf Landing.
Nagkaada hin hybrid commemorative program ha mismo MacArthur Memorial Park nga gintambungan han pira nga mga dumagko nga mga opisyales ngan mga veterans.
Pira ha mga aktibidad nga ginbuhat amo an flag raising, wreath laying, tribute ha mga war veterans ngan lighting of peace torch.
Naghatag gihapon hin mensahe an mga foreign dignitaries partikular na an mga ambassadors han magkadirudilain nga nasud pinaagi han pagpadara hin recorded messages.
Samtang, nagrepresentar naman kan Pangulong Rodrigo Duterte hi Philippine Army Chief Lt. Gen. Andres Centino nga naghatag gihapon hin mensahe ha durante han gindumara nga seremonya.
