TACLOBAN CITY – Mas nagtitikahitaas pa iton kaso han Teenage Pregnancy ha bug-os nga rehiyon-8.
Sumala kan Ryan Arento, Information Officer han Commission on Population (POPCOM), tikang han latest monitoring nga iginhatag han PSA han subay han ira iginbuhat nga census han 2020, an nag-eedad hin 10-14 yrs. old in naghihinitaas iton ihap han mga nagkakabuburod.
An 15-17 yrs old naman nga data han 2019 ngan 2020 in naghabubo hin guti kun dati in 2,605 ini yana in aadi na ha 2,300 pero kokonsidera la gihapon ine nga hitaas tungod nga dapat waray pa nagbuburod hin sugad hine nga pangidaron.
Subay han mao nga opisyal, an edad naman nga 18-19 years old nga nagkakabuburod in considered la gihapon nga teenage pregancy kun diin maabot naman ine ha 6,495 han tuyig 2020 ngan padayun la gihapon itun paghinitaas hine ha bug-os nga rehiyon.
Dugang pa hine, basar han data nga nakuha han mao nga buhatan in tikang ha Leyte iton may pinakadamo nga kaso hin teenage pregnancy, lakip an Ormoc City ngan Tacloban City.
