Nagburublig an mga Japanese emergency workers dida han Huwebes agud matalwas an hin-o man nga nahibilin nga survivors tikang hin usa nga naguba nga shopping mall, samtang an mga namatay tungod han dako nga linog in umabot hin 28 ngan yinukot-yukot an kinukurian tungod han kapaso.
An gobyerno han Japan in nagpagawas han bag-o nga ihap mahitungod nga an mga opisyales han Kumamoto in nagpahayag nga upat nga patay nga lawas an ira nakuha tikang han mga tipak, bakal ngan mga alambre han Aeon shopping mall mahuman an gintatahapan nga pagbuto hin gas kasunod han linog dida han Martes.
An 7.1-magnitude nga pagbay-og dida han Martes in nagdurot hin haluag nga danyos, nagruba hin mga panimalay, nakadaot hin mga tulay, nagkawsa hin sunog ngan nagbilin hin napulo ka yinukot nga mga residente nga waray kuryente ngan tubig ha temperatura nga ginbabana-bana nga umabot ha 38C.
Ginatos-gatos nga mga lagas ha Japan in napiritan kumaturog ha manipis nga mga banig ngan ha matig-a nga salog han lobby ha usa nga sentro han komunidad ha siyudad han Uki samtang hira in namimiling hin katalwasan tikang han kapaso.
