TACLOBAN CITY–Umabot na ha 249 an ihap han mga stranded ha mga pantalan han Sinirangan Bisayas, sumala ha Philippine Coast Guard (PCG) District Eastern Visayas, yana nga adlaw, ika 5 han Pebrero, tuig 2026, kanit ine hiton tiarabot nga Tropical Storm Basyang.
Sumala kan Ensign Ryan Jaime Tolentino, Information Officer han PCG District Eastern Visayas, kasagaran ha mga na-stranded in mga helpers ngan drivers han mga rolling cargoes, kun diin ada an mga ine ha responsibilidad han mga port owners.
Kalakip ha mga stranded an 123 nga rolling cargoes ngan 4 ka vessels.
Samtang, 20 naman nga vessels an nag shelter matungod hiton tiarabot nga bagyo.
Mababaruan nga gin-isa na han PCG EV an Blue-Alert Status ngan temporaryo nga ginsuspendi an ngatanan nga mga biyahe ha ngatanan nga pantalan han rehiyon pamaagi hin mga sea travel advisories.
