TACLOBAN CITY – Maabot na ha 76 nga mga returning Overseas Filipino Workers (OFWs) ha rehiyon an nagpositibo ha COVID-19.
Sumala kan Sergio Borgueta, Jr., Regional Director han Overseas Workers Welfare Administration (OWWA) Regional Office 8, ha pagkayana in sobra na ha 6,000 nga mga OFWs an nakapanguli ha rehiyon tikang han bulan han Enero tubtob yana nga bulan han Setyembre.
Waray pa naman naireport nga OFW nga nagpositibo ha COVID-19 nga naawatan hin kinabuhi.
Ha pagkayana in padayon pa an pagpanguli han mga OFWs ha Sinirangan Bisayas kadungan an mahugot nga pagpatuman han mga protocols para ha mga ini kun diin pag-ulpot ha Manila, in dayon an mga ini ginpapailarom ha swab test ngan pakahuman nga gumawas han resulta hini in gintutugutan na nga makauli ha tagsa tagsa nga mga LGUs para igpailarom liwat ha quarantine.
