-- Advertisements --
TACLOBAN CITY – Padayon an monitoring han Overseas Workers Welfare Administration (OWWA) Regional Office 8 ha mga OFWs nga padayon an pagpanguli ha rehiyon.
Sumala kan Jane Gacus, Family Welfare Officer II OWWA-8, ginlalauman na nira an posibilidad nga pagdamo han mga returning OFWs ha masunod nga mga adlaw samtang nga tikaharani na an pasko ngan bag-o nga tuig.
Ha pagkayana in maabot na ha 12,954 OFWs an nagpakapanguli na ha rehiyon tikang han pagbutho han pandemya.
Kasagaran han mga ini in nagkawawarayan hin trabaho tungod han pandemic samtang an iba naman in nanguli para magbakasyon ha ira tagsa-tagsa nga lugar yana nga holiday season.
