NATIONAL – Humamubo ha 2.03 million an ihap han mga Pilipino nga waray trabaho ha nasud dida han Mayo 2025 tikang ha 2.06 milyon nga unemployed dida han Abril.
Basar ha latest Labor Force Survey, nahipatik ni Philippine Statistics Authority USec. Claire Dennis Mapa, nga humamubo an unemployment rate ha 3.9% dida han Mayo tikang ha 4.1% nga nahipatik dida han Abril 2025 ngan Mayo han 2024.
Eksplikar hini nga an paghamubo han unemployed ha nasud in matungod ha paghitaas ha 1.35 million nga mga indibidwal nga sumulod ha labor force tikang Mayo 2024 kutob Mayo 2025 kun diin haros tanan in nagkamayda hin trabaho.
Samtang, nahipatik gihapon han PSA nga humamubo an ihap han mga Pilipino nga underemployed ha 6.60 million o kaparehas han 13.1% dida han Mayo han presente nga tuig tikang ha 7.09 millon o 14.6% dida han Abril.
