TACLOBAN CITY- Nadugangan pa an ihap han mga miyembro ng New People’s Army (NPA) nga napatay ha gindumara nga military airstrike ngan ha nahitabo nga engkwentro ha butnga han mga rebelde ngan mga kasundaluhan han 8th Infantry Division sa Brgy. Osmeña, Dolores, Eastern Samar.
Sumala kan Capt. Reynaldo Aragones, Chief han Division Public Affairs Office han 8th ID Philippine Army, ha ira gindumara nga clearing operation ha mao nga lugar in nakarekober pa hira hin 2 nga patay nga lawas hin mga rebelde rason para sumaka na ha 18 an ihap han mga namatay nga NPA ha mao nga engkwentro.
Maabot na gihapon ha 30 an mga high powered firearms ngan IEDs an ira narekober tikang ha mao nga insidente.
Hapagkayana in padayon pa an gindudumara nga clearing operation ngan search and retrieval han mga otoridad ha mao nga lugar agud nga matudlok kun mayda pa nasasalin nga mga patay nga lawas o mga samaran nga rebelde.
