TACLOBAN CITY– Ginkumpirma hiton Department of Health Eastern Visayas, nga matungod ha pagkonsumo hiton tahong nga kontaminado ha Red Tide ha Daram Island Samar.
Sumala kan Boyd Roderick Cerro,Regional Surveillance Officer,Department of Health Vlll, ha pagkayana, sumaka na ha 40 an ihap han mga pasyent, kun diin ada ha 21 an naka-admit, 9 an Out Patient, ngan 10 an nagpapabilin ha komunidad.
Ha inisyal nga report, positibo an mga ine ha paralytic shellfish poisoning, an gintatawag nga saxitoxin ine an nadukot ha mga tahong, nga bisan man lutu-on ine hin maupay in dire ine madali-dali matangal.
Ginpaangbit naman ni Cerro, nga pira ha mga sintomas hine, an panmamanhod hiton bug-os nga kalawasan, pagkalinop ngan posible gihapon magin hinungdan han dayon nga kamatayon.
Nagpahimatngon naman ine ha publiko, nga dire magpakampante ha tanan nga higayon, lugod in magsunod ha mga ginpapalusad nga mga advisory partikular na kun makaka-delikado ine ha panlawas han usa nga indibidwal.
