TACLOBAN CITY–Humitaas an nahipatik nga ihap hin mga licensed foster ngan adoptive parents ha Regional Alternative Child Care Office (RACCO) Region 8, tikang han pagpatuman han mao nga opisina.
Sumala kan Josamae Sedillo, OIC han RACCO 8, kalakip hine an 55 ka adoptive parents nga nagproproseso han ira mga adoption nga regular nga naruruyagsigngon nga waray mga anak ngan padayon nga nagbibiling hin anak pinaagi han adoption.
Upod gihapon hine an 53 ka licensed foster parents nga mga kabulig nga padayon nga naghahatag hin temporaryo nga parental care ha mga bata tikang ha mga residential care facilities ngan Local Government Units.
Para han interesado nga mag-adopt, in kinahanglan magpasa an mga aplikante nga waray asawa hin CENOMAR, psychological evalutation, police ngan NBI clearance, medical profile ngan certificate.
Para naman ha mag-asawa, in kinahanglan hin marriage certificate/contract.
Samtang, para ha mga naruruyag magin foster parent in kinahanglan magpasa hin live birth, medical record, police ngan NBI clearance, ngan psychological evaluation.
Dugang pa hine, mayda gihapon nira gindudumara nga mga monthly online forums nga kinahanglan atenderon han mga mag-asawa o pamilya nga interado nga magpailarom ha mga alternative childcare processes.
