-- Advertisements --
NATIONAL NEWS- Humamubo an ihap han mga nakapagtala hin bag-o nga ngaran han negosyo ha syahan nga 10 kabulan yana nga tuig.
Subay ha Department of Trade and Industry (DTI) usa ha mga rason in an dire maupay nga panahon nga nakaguba han pagios hiton ekonomiya.
Subay ha datos han DTI mayda 925,555 business names an nairehistro ha ahensiya ha sulod han 10 kabulan yana nga 2025.
Mas hamubo ine kumpara ha 973,445 nga business names nga nagpalista ha parehas nga bulan hadton nakalabay nga tuig.
Ha kabug-usan mayda bag-o nga 800,278 ha listahan samtang 125,277 naman an mga renewals.
Nanguna naman an CALABARZON nga mayda damo nga ihap han mga business names para yana nga tuig.
