METRO MANILA – Ha urhi nga datos han Philippine National Police o PNP, aada ha 365 nga mga gas stations na an temporaryo nga nagsara ha butnga han padayon nga paghitaas han presyo han lana.
Manunumduman nga dida han mga nakalabay nga semana in aada ha sobra 400 nga mga gas stations an nahipatik han PNP nga temporaryo nga namagsara ha bug-os nga nasud.
Sumala kan PNP Spokesperson PBGen. Randulf Tuano, nagbabago-bag-o an ira datos mahitungod nga may mga gas stations nga utro nga nag-o-operate ngan an rason naman han pagsara han pira in mahitungod na waray deliver hin mga produkto han petrolyo ngan an iba in waray na stocks.
Kasumpay hini sumala kan Tuano, 7 na an ginpapasakahan han kaso kasumpay han hoarding, profiteering ngan pagtalapas ha trademark infrigement.
Padayon naman an ginbubuhat nga koordinasyon han PNP ha Department of Energy agud suportaran an nagpapadayon nga monitoring ha presyo ngan suplay han lana ha nasud.
