Positibo hi Independent Commission for Infrastructure Executive Director Atty. Brian Hosaka nga makakagsalawad na hin kaso an komisyon ugsa mahuman an tuig.
Bisan man kun bag-o nga tukod pala an komisyon ngan kakatikang pala hine ha trabaho, natuod hi Hosaka nga ada ha sakto nga direksyon an ICI ha mga gindudumara nga serye han imbestigasyon ngan pagdungog.
Ha yana in dako daw gihapon nga ayat an limitado nga ihap han staff samtang an komisyon in ginbubug-os la hin usa nga chairman ngan duha nga komisyuner nga nagdudumara hin susrunod nga pagdungog.
An limitado nga ihap in naaatubang daw ha usa nga ‘well-oiled machine’ nga ginbubug-os han mga dabi ha flood control scandal sugad han mga contractor, government officials, ngan iba pa nga dagko nga opisyal nga dabi.
Sugadman, ginsigurado ni Hosaka nga nababatian han komisyon an pangaraba ngan panawagan han publiko kontra ha nabuyagyag nga dako nga korapsyon, ngan an pagkaruyag han mga ine nga ig atubang ha balaod an ngatanan han mga responsable.
