Gin malatumat han Malakanyang nga nagpapabilin nga balido an arrest warrant han International Criminal Court (ICC) kontra kan Sen. Ronald “Bato” dela Rosa mahuman nga tugutan han Korte Suprema an hangyo han iya kampo nga temporary restraining order (TRO) agud pugngan an pagpapatuman hini.
Sumala kan Palace Press Officer Claire Castro, ginkikilala han gobyerno nga mayda bisa la gihapon an warrant ngan an mga legal nga interpretasyon ngan operational nga pitad in nakadepende na ha Department of Justice (DOJ). Sumala pa, waray gihapon balaong ha pagpapatuman han warrant mahitungod nga waray ginpagawas nga TRO an Korte Suprema.
Ginmalatumat gihapon ni Castro an posisyon han Office of the Solicitor General (OSG) nga iginkokonsidera hi Dela Rosa kumo “fugitive,” mahuman hiya lumakat ha Senado samtang nakada ha ilarom han protective custody.
Dugang pa, ginpapanginano na gihapon han mga otoridad an iba pa nga ebidensya kasumpay ha paglakat ni Dela Rosa ha Senado, kaupod an mga video footage nga posible magin kaparte han mga imbestigasyon han DOJ, DILG, ngan Ombudsman.
Samtang, iginduon naman ni Castro nga magpapabilin nga nakapukos hi Presidente Ferdinand Marcos Jr. ha pagsunod ha balaod ngan ha rule of law ha butnga han isyu.
